Profil von hx☆の100%FotosBlogListenMehr  |  Extras Hilfe |
|
多谢支持~~
☆の100%29 Dezember 久别了 喺我开心嘅时候，我居然忘记咗哩个blog...呵呵~某人开始贪新忘旧噜~唔知点解咧,喺度写自己嘅心情,觉得既安全,有舒服,哩度,真系好有纪念价值架,每次我唔开心,都会喺度写好多好多~直到我嘅烦恼减退，不过今次,呵呵,我冇谂过写唔开心喔~
睇番之前发生咗咁多事,自己又辛苦过,不过依家,系好开心好开心,好幸福哦~~因为有佢陪住我啰~虽然,佢俾唔到好多我需要嘅嘢我,但系,有佢,我已经好开心了,一年半了,我同佢认识有一年半了,大家发生咗好多误会,大家经历咗咁多,真系长大了,成熟了....
仲记得之前,我话佢厄我,点都好啦,我会相信佢嘅,佢俾我嘅解释虽然有缺陷,不过我相信佢为人,点解?嘻嘻~~因为佢值得我信,而且,系值得我为佢付出啰...
自从果次之后,哩几个月嚟,我同佢冇点发生过咩大事,好开心好开心,同佢过我哋第一个圣诞节,佢琴日都话啊,09年快到了,唔经唔觉,我同佢就咁就走到去09年了,好快啊,同佢一齐真系好开心,佢成日都傻更更咁嘅,或者就系咁啦,佢嘅单纯,值得我去珍惜!好希望来年,我哋可以开开心心咁过,希望唔好有啲我哋都担心嘅嘢降临喺我哋身上,我哋大家都唔想大家受到伤害...
琴晚发咗个好奇怪嘅梦啊~~可能系我太太太挂住某人了,太想梦里面嘅果个情节再现。
20岁嘅我,又准备踏入21岁了,时间真系过得好快好快,我好珍惜年龄嘅逝去,喺今年,我失去咗我嘅爷爷,而且仲差啲就失去咗我嘅感情,都算系个唔系几好嘅一年了。
开心嘅事,有好多,讲都讲唔晒,嘻嘻,只系希望,自己能珍惜依家,唔好再发生咩事了,我同佢嘅路,或者会好长好长,又或者会突然中断,唉,讲唔埋啊,唔知佢系咪都咁谂咧,咔咔咔咔咔...(佢咁傻,边识咁谂喔)...哈哈,讲笑~~
快啲过年啦~~哩个系我同佢过嘅第一个年啊~~虽然今年都系,不过今年同明年嘅感觉系唔同嘅喔~~嘻嘻~个傻人成日都话想哩样,想过样,贪心~
久别了,我哩个blog,讲真,哩度真系好亲切,好怀念,系最值得我回味嘅地方.... 19 Februar 郁闷+苦闷+无奈 又一发泄的文章 好耐冇嚟过嚟度了~~可能我唔想嚟哩度睇番以前唔开心嘅嘢,我将唔开心嘅嘢都写晒喺哩度,因为我知道,哩度係永远唔会有人嚟,就係因为冇人嚟,我先会将唔开心嘅东东写喺度~~唉...
我觉得我同我果个f,已经冇可能挽回以前咁好感情了,因为佢厄过我,我绝对接受唔到朋友厄我,其他f讲得啱啊,你当佢係f,佢厄你果阵又当你係咩啊?当我係白痴?冇脑?真可笑,到头来,原来咁f嘅朋友,都如此,我真係好失望,失望到个心每当谂到依件事都会好难受,果然,人哋係口不对心,把口就话係好朋友,个心咧?好朋友,哈哈,太天真了...我受到教训了,不过,最后讲真果句,我依然仲会当佢係朋友,只係,我对佢已经有咗防范,好朋友係唔应该有咩防范而言,但係,过去嘅事真係好令我失望!!
不过点都好啦,我做嘅嘢係对得住自己嘅良心,我试过嬲人,但係嬲人嘅感觉真係好唔舒服,始终,我都係做番最傻嘅果个,我唔会俾自己个心唔舒服的,我嬲人果阵,唔睬人果阵,我个心真係好唔舒服啊,觉得咩都係自己错,我同我一个老友又係咁嘅,明明对方唔啱在先,自己就咁嬲咗一下,就觉得係自己嘅错...点解会咁架..可能佢讲得啱啦..我哋哩啲平时少讲嘢嘅人都係唔识点同人去做朋友...郁闷啊...
真係好讨厌果啲厄人嘅人啊,可能人哋唔觉得依啲叫做厄啦,人哋仲死咁坚持话自己冇厄过我啊,我都已经係督穿晒佢啦,都已经坦白咁同佢讲明晒了,佢都仲要厄..死撑,咩人嚟架,佢真係好唔要面啊,仲死撑...|||其实佢厄我果啲嘢係好少事咋嘛..我嬲係嬲人唔诚实,但係既然都到咗咁嘅地步了,我真係唔明佢仲要瞒啲咩...唉...难道..佢将好朋友嘅定义谂错咗??唉...真係唔明佢谂咩...唔明佢啲思维...最后,我连唔该讲嘅说话都讲埋出嚟啦,佢都仲死撑...我真係未见过哩种人...
我係揾人试过佢,不过又点喔,係佢唔啱先啊...係佢厄我先啊,我厄番佢一次好正常啫...佢厄我咁多次,我一次过还番晒俾佢啊...咩都佢讲晒啦,又话好朋友应该要相信对方,但係,佢漏咗啊,好朋友係唔应该厄对方啊...哩啲人太自私啦,净係顾住自己...我觉得佢就冇诚意同我做朋友...本身我都冇谂住挽留哩场友谊嘅啦,不过算啦,我唔想个心唔舒服啊,我唔想有人去讨厌我...我做到嘅,就係主动撩番人哋,唉,我就係咁,咁算唔算懦弱啊??不过,我的性格如此.....以前试过係咁,依家都係咁......
个老友讲得啱啊,珍惜哩个朋友先会为咗佢做嘅错事而去嬲..如果我唔珍惜嘅话,睬佢都傻啦,俾我认为係朋友嘅人,我都係真心真意咁交个心出嚟同对方做朋友架..佢咁做太过分啦..||| ...或者佢将我谂错了.....
我根本就冇嘢好讲,不过都係要多谢老柑开解我,我哋大家都互相体谅,老柑知道佢应该点做,我都知道我应该点做了..谢谢你啊.. 老柑.... 18 November 唔知我有冇谂错咗咧??!!今日係双休日留喺学校嘅最后一日,听日又要番学了...又係星期1,苦闷吖,又要开始等星期5嘅嚟临,呵呵,等吧,星期3係我读大学以嚟嘅第一次英语考试~紧张?唉..我净係担心我夜晚果餐咋,本身星期3係食唔到夜晚饭的,仲要话考埋试,唉...祈求建筑史个老师早啲落课,放我哋去食饭....
近排好似有啲怪怪地咁嘅~以前成日同我玩果个f咧,好似有啲怪啵..呵呵呵,唔知係咪我疑心重咗,但係真係怪得好明显吖,好想知发生咩事了....但係佢怪得嚟又好似好正常咁啵... 哈哈哈.. 我都唔知点形容好啦,总之就係态度改变咗好多啦,好似有次佢打完电话俾我之后又正常番啲咁....唉,总觉得係耐冇见,就咁生疏咗了...咔咔咔(我仲笑得出嘅?) 我唔知我係咪谂多咗,总觉得我成日烦住人嘅,点讲好咧,就係感觉到同以前有啲唔同...唉,可能时间再耐啲嘅话,就会咩都变晒嘅啦,因为依家已经开始变咗好多.....|||
我问佢有啲咩唔妥果阵,佢又话冇事..但係我就唔咁样觉得啰,可能真係我谂多咗啩,唉,唉,但係我好信我自己啲直觉架,其实既然係咁嘅话,我觉得我自己应该冇谂错,不过我真係好想知佢係点谂... 以前就成日玩(虽然依家都係成日玩)但2种都唔同feel嘅... 唉.. 我都唔知发生咩事... 係咪做f做耐咗,人哋开始讨厌我了.... 哈哈哈哈.. 既然係朋友,我应该要信佢嘅...呵呵呵呵.....
好啦.. 我又係唯有等啦... 我会等到结果为止架.. ~~~~我真係真係好希望我係谂多咗...我真係唔想失去哩个好朋友~~~~希望以后,佢会记得我啦,我知道,好快,可能佢就会忘记我架啦,依家佢都已经忘记咗好多嘢啦,但係我冇怪过人哋,我知道我同佢嘅领域唔同,或者真係好快,我哋唔会再咁玩得咁开心咁快乐了,哩个朋友我会珍惜的,虽然依家生疏了,不过我会努力挽救架,因为我只係同佢玩嘅多,并帮唔到佢啲咩... 哈哈哈哈.. ~~~不过无论点都好,我对朋友嘅热情係唔会变架.. ~~~ 15 November 荒废了,但仍旧如此,我会记得我讲过的~ 好耐冇嚟哩度玩玩啦,虽然我知道係冇人嚟嘅,但係忽然我想喺哩度打打字...哩度好似荒废咗好耐啦..上次更新到依家..已经係好耐嘅事噜... 呵呵~~有好多嘢想同自己讲,哩度就係好地方~~咔咔咔...
不知不觉间,我已经係一个大学生了,生活好多嘢都变咗,谂法都变咗好多~~大学生活好宁静,当然除咗番学果阵啦,当喺宿舍果阵,就会眸眸然咁发呆,不过咁都几好,哩种感觉好吖..哈哈哈,2个月啦,我嚟哩度2个月啦~~好多人觉得大一好无聊,但係我唔觉喔..虽然我成日玩,但係日子仲过得充实,因为,我学识咗照顾自己啦... 今个星期我冇得番屋企啦...突然好挂住屋企,都成个小朋友咁.. 咁痴家.. 哈哈.. ~~~~又2个星期唔见欢欢了... 唉....
哩度好好.. 个个都好好~~~但係咁嘅生活,我总觉得好似少咗啲咩咁~不过算啦,我日日都过得好快乐吖..有好朋友同我晚晚倾偈~晚晚同我玩~...我已经好满足啦,都仲係果句,知足常乐嘛~~我已经好快乐啦...
充实嘅日子免不了忙碌~当忙碌完咗之后嘅果种感觉係最舒服嘅啦.. ~~做自己想做嘅嘢...~~呵呵..有好朋友真係好,可以一齐玩,一齐笑..我日日多笑得好开心吖..冇错~~ 要记得吖.. 日日都要开心~~~千奇唔好郁闷吖..我承诺过...你都承诺过~~~
哈哈哈哈...郁闷的日子已经过了..希望以后日日都可以顺利吖... 28 September 我番嚟啦,焕然一新嘅我 我终于等到放假番屋企啦~~~~~~~太开心啦,哇咔咔咔咔,心中有好多讲唔尽嘅感觉~~出门在外,对屋企嘅思念真係无法形容,最挂住欢欢狗,仲有我嘅爸爸妈妈,每日嘅同电已经解决唔到我对屋企嘅思念...今日,係我读大学以嚟第1次放大假番屋企~~~果种迫切归家嘅心情,未经历过嘅人係唔会知道的..
军训的归来同今次的归来真係好唔同,军训已经完全结束了...依家最紧要嘅问题就係要读好书...我嘅计划已经实现咗1半了... 我已经成功摆脱咗果件事,心情真係好舒畅,好轻松,我嘅预料果然冇错,真係只要一开学,我嘅烦恼就已经完全解开晒....我最有感触就係哩件事啦..咔咔咔咔...
读大学俾我嘅感觉就係好疲倦,真係好攰吖..日日都觉得好攰...我番到屋企已经攰到散,不过,攰还攰,住宿真係好有意义,我真係学到好多嘢...其实读大学真係一啲都唔轻松架....
今年嘅中秋节好特别,我係离开屋企过,同我嘅朋友,室友,虽然唔係同屋企人过,不过感觉好特别,好开心,係另一种开心,我咁大个女真係未试过咁特别嘅中秋节...好记得果晚,我哋个个都好开心,唔係人哋觉得我哋傻.. 而係我哋真係好傻..哈哈...好有意义嘅1晚,我会永远都记住哩晚..
军训吖.. 特别係军训吖...我有好多嘢想讲..不过我知道冇人愿意听我讲的.. 哈哈哈...好多人觉得军训好辛苦好无聊.. 但係我唔觉吖...军训果10日,我觉得好有意义同好充实吖.. 07 September 最后的一天 今日,係暑假嘅最后一日...听日我就要踏入大学嘅校园生活,对此又好奇,又陌生,明天将要发生什么事咧?好事?坏事?哈,我谂,应该係好事啩....
前几日,我已经开始恨下心肠去实现我嘅计划了...虽然係唔多想咁做,但係我之前已经係谂咗好几日...我好难得先会落到咁嘅决心...当然係有人支持我的...最初佢係唔赞成我咁做...不过后来,佢已经明白我嘅苦笑...哈哈哈...我希望我以后都唔会再见到某人...因为依个就係我嘅决定,我都唔想再去掩饰自己,因为真係好假...我就係我,何必要做到另人误会咧?已经再冇咁嘅必要啦....该做嘅嘢我都做晒啦...唔该记住嘅事,同买唔该提醒我去记住嘅嘢,我都已经恨恨地将佢哋永远咁收埋了..我知我係做啱咗...结果都会同以前一样...因为..1年嘅限期已经到咗...就好似灰姑娘咁,12点已经到了...
好啦~~~我同果个知道发生咩事嘅人讲晒我啲心事出嚟,个心舒服好多,但係好多时我问佢意见果阵,佢一句都答唔上我...不过冇所谓啦,我自己嘅事应该係自己解决,我唔係已经谂好晒计划啦咩? 对,我要实现我嘅计划.... 喺最心软嘅时候,就要谂下,当初我痛苦嘅经历... 再见了,曾经的"朋友".......
嗯,恨下决心了...我已经决定了.. 好.. 1就1,2就2...我会做到架.. 最后一日,最后一篇日志.. 再见了.. 见埋你最后一日 04 September 就嚟可以摆脱啦 趁今日啲网速快快哋,呐呐声更新下先,咔咔咔咔..~~~哇,净番4日就要报到啦,心情好紧张,与其讲紧张,不如话我惊好过啦.. 要烦好多嘢,特别係要烦鱼嘢吖...
嗯...就嚟开学啦,我果件事即将可以摆脱啦,我有嘢寄托啦嘛,咁就用时间嚟摆脱依样嘢啦...近排哩几日,我更加咁觉得,事情已经唔係我想象中咁好架啦.. 已经唔係我可以预计到啦(可以话处于失控状态,哈,夸张咗)...初初我净係觉得由得顺其自然就会冇事,不过可惜,却烦扰咗我好耐,点解我要喺到讲?就係因为我不吐不快吖~~~而且,我将要离开依度一段日子,我真係埋咗喺心到好耐啦...一直都唔讲出嚟,知道依件事嘅人除咗我,另外就只有1个人知,佢曾经谂过好多办法去安慰我,我又好多时又烦住佢,虽然佢讲嘅嘢对我嚟讲係有少少帮助,至少另我日唞可以暂时冇事,不过一到咗夜晚,好多时越谂越唔係路,越谂就越唔妥,3个月前果阵,我真係好辛苦,日唞同夜晚反差好大,其实唔多唔少多高考唞有影响架.. 好彩依家高考个结果每个关心我嘅人都可以接受,如果唔係,我都唔知点原谅我自己,为咗咁嘅嘢,搞到高考唔好,咁就真係唔可以原谅吖..|||
以前我曾经沉咗入去,就算自己点告诫自己都冇用吖,係一啲作用都唔起吖,不过慢慢咁,我开始习惯啦,又谂通咗好多,学识调节,学识应付,不过仲係差啲,因为依家果种心情仲係好影响我,不过都冇几耐架啦,因为我已经落咗好坚决嘅决心,个决心係1星期前落嘅,效果唔错,对我同对件事都几好,或者我已经学识对症下药啦,只係药效慢啲,不过唔怕,有效果就得架啦~~
好多谢果个无论咩时候都一直肯听我诉说嘅人,真係好多谢佢,冇咗佢,果段日子我真係唔知点过,即使係依家,佢都好愿意听我讲,但係请放心,我已经可以自己解决问题啦,以后你有咩事都药揾我吖...我都会同样咁去聆听...
依篇日志可能係依个月最后一次更新啦,唔知果件事里面嘅每个人,会唔会睇到哩篇日志咧?哈..不过睇到都唔会知我讲咩嘅啦,依个係我嘅秘密,永远冇人会知...亦係对我嘅一个重要嘅考验....不过我知唔会,因为依度好少有人嚟的,所以我好放心咁讲咗我想讲嘅嘢出嚟..呼~~讲晒出嚟舒服好多~~~!!!
再见啦,烦扰咗我咁耐嘅嘢,我对其都颇有感情了,虽然好烦.. 哈哈哈哈,好傻可?居然对烦嘢有感情,哈哈哈哈,放心,我唔会留恋嘅,呐呐声远嚟我添啵..
遇到麻烦果阵,安慰真係好重要.. ||| 我经历过.. 我知道....再见,我曾经嘅梦,再见,我曾经愚蠢嘅谂法,再见,我过去嘅一切...因为哩样嘢好于坏係对半架,我总谂住好嘅地方,梗係摆脱唔到,我开始谂住佢坏嘅方面,所以我即将可以远嚟了... 毕竟坏嘅方面对于我嚟讲真係好伤心....好痛苦......我要再次感谢果阵肯聆听我嘅人....你真係帮咗我唔少... 多谢曾经帮过我嘅人... 真心咁多谢.. !! |
|
|||||||||||||
|
|
